Galicia en Común levará ao Consello de Europa o Pazo de Meirás e a situación ambiental das rías galegas

O deputado demandou reforzar o IGADI para que Galicia «teña ollos e mente no mundo».

Audio: https://bit.ly/2IY5BnF

Pontevedra, 18 de outubro de 2019. O deputado e candidato de Galicia en Común, Antón Gómez-Reino, visitou este venres o Instituto Galego de Análise e Documentación Internacional (IGADI) e mantivo unha xuntanza coa súa directiva con motivo do seu 28 aniversario.

No marco da xuntanza, o deputado anunciou que, como novo membro do Consello de Europa en representación do Grupo Confederal, levará a Estrasburgo «situacións lacerantes como o Pazo de Meiras ou a situación ambiental das rías galegas».

No marco do IGADI o deputado demandou que «para que Galicia teña ollos e mente no mundo, ten que reforzar esta institución».

«O IGADI está de aniversario, e desde Galicia en Común entendemos que é fundamental que o noso país teña unha acción exterior definida e amplia», incidiu o deputado, resaltando que este espazo «nace da sociedade civil e plantexa una relación de cooperación e diálogo coas institucións galegas».