«Se isto sucedera con Inditex na Coruña, Citröen en Pontevedra, ou Coren en Ourense o señor Feijoo non estaría tan calado», afirmou
Burela, 22 de xuño.- O candidato de Galicia en Común-Anova Mareas á Presidencia da Xunta, Antón Gómez Reino, participaba a última hora deste luns na gran mobilización convocada na defensa do emprego en Alcoa San Cibrao e do futuro da Mariña xunto ao cabeza de lista pola provincia de Lugo, Miguel Anxo Fernán Vello.
«Estamos hoxe de novo aquí para amosar o noso total e absoluto respaldo aos traballadores de Alcoa, a súa rede de empresas auxiliares e loitando xuntas polo futuro de toda unha comarca fundamental para o país como A Mariña de Lugo», manifestou o portavoz da coalición ao inicio da marcha.
«Hai que poñer enriba da mesa que este é un problema de país. Se cae Alcoa, cae unha peza fundamental do país e da industria galega. Temos moi claro quen é o gran ausente deste conflicto durante os últimosanos e semanas: ese é o presidente Núñez Feijóo, con competencias exclusivas en Industria», reiterou Gómez Reino.
«Se isto sucedera con Inditex na Coruña, Citröen en Pontevedra ou Coren en Ourense, o señor Feijóo non estaría tan calado», afirmou.
«A solución virá cun goberno progresista na Xunta. Se son presidente da Xunta, convocarei a oposicion e falarei canto sexa preciso coa ministra de Industria para dar unha solución conxunta a comarca da Mariña que implique a todas as Administracións Públicas», comprometeu o portavoz de Galicia en Común-Anova Mareas.
«Se o señor Feijóo non sabe ou non lle deixan, que se faga a un lado», concluíu.
Aquí está o audio do candidato Gómez Reino.